lunes, diciembre 2
Benvido viaxeiro!
Son o teu guía de viaxe polo corpo humano no tema da función de relación. Chámome Santiago Ramón y Cajal. Nacín en 1852 e vivín ata 1934. Fun médico, especializado en histoloxía e anátomopatología microscópica. Obtiven o premio Nobel de Medicina en 1906 por descubrir os mecanismos que gobernan a morfoloxía e os procesos conectivos das células nerviosas.
Dixéronme que tes algunhas dúbidas sobre o sistema nervioso e queres a contestación a algunhas preguntas. Así que che interesa saber algo sobre a influencia do alcohol nas neuronas?
Á túa idade a mi tamén me interesaba todo: a ximnasia, a fotografía, o debuxo. Realizei numerosas investigacións sobre as células do sistema nervioso e coñezo a súa forma, estrutura e o xeito que teñen de comunicarse entre sí. Como podes observar estou moi ocupado cos meus apuntes, así que che deixo unhas pistas para que atopes as respostas as túas preguntas. Boa viaxe, espero que o corpo humano che fascine tanto como a min!!